वार्षिक प्रगति प्रतिवेदन ०७३/०७४

बिषयसूची

बिषयवस्तु पेज नम्बर

प्रस्तावना 2

धन्यावाद ज्ञापन 2

परिचय 2

दोस्रो कार्यसमिति 2

कार्य विवरण 3

बैठकहरू 3

कार्यक्रमहरू 3

१. अनलाइनमा एक भव्य प्रेम पत्र प्रतियोगीता सम्पन्नः प्रेम पत्र प्रतियोगिता–२०७३ 3

२. रचना वाचन श्रवण तथा सम्मान कार्यक्रम’ 4

३. गजल तथा मुक्तक प्रशिक्षण कार्यक्रम–२०७४ 4

४. अङ्कुरण–बर्ष २०७४ प्रकाशन 4

५. खुल्ला निबन्ध लेखन प्रतियोगिता–२०७४ 4

६. गजल साझ २०७४ 5

७. वार्षिक साधारण सभा र विविध कार्यक्रमहरू 5

८. मासिक रचना वाचन श्रवण कार्यक्रम 6

संस्था दर्ता, स्थायी लेखा नम्बर दर्ता, बैङ्क खाता संचालन, वेव डोमेन दर्ता 6

अभियानहरू 6

अन्य कार्यक्रमहरूमा उपस्थिति, सहभागिता 6

मुख्य उपलब्धी तथा मुख्य कामहरू 7

असफल योजनाहरू 7

कमजोरी पक्षहरू 7

योजनाहरू तथा बजेटहरू 7

समिक्षा 8

तेस्रो लगायत भावी कार्यसमितिहरूलाई दोस्रो कार्यसमिति द्वारा दिइएका सल्लाह, सुझाव तथा जिम्मेवारीताहरू 8

हस्तान्तरण गरिएका कुराहरू 8

 संकलित पुस्तकहरूको विवरण

सदस्यता विवरण

आर्थिक विवरण

हस्ताक्षर 9

वार्षिक प्रगति प्रतिवेदन

प्रस्तावना

यस इन्जिनियरिङ साहित्यिक समाज, पूर्वाञ्चल क्याम्पस धरानको दोस्रो कार्यसमितिले आफ्नो कार्यअवधि भर गरेका सम्पूर्ण कार्यहरू र गतिविधिहरूको सुक्ष्म रूपले अध्यय गरेर इ.सा.स. प्रगति प्रतिवेदन निर्माण समिति द्वारा यस इ.सा.स.–धरानको प्रगति प्रतिवेदन तयार  गरेका छौ । जसमा इ.सा.स.–धरानको दोस्रो कार्यसमितिले गरेका सम्पूर्ण कार्य, गतिविधिहरूको संक्षिप्त विवरण, आर्थिक विवरण साथै संस्थाका अन्य महत्वपूर्ण विवरणहरू समेटिएका छन् । यो प्रतिवेदनलाई संस्थाको कार्यसमितिको बैठक र साधारण सभाबाट पारित गरेर सार्वजनिक गरेका छौ । यस प्रतिवेदन निर्माणमा सहयोग पूर्याउनुहुने सम्पूर्ण सहयोगीहरूलाई धन्यावाद व्यक्त गर्न चाहन्छौ ।

प्रगति प्रतिवेदन निर्माण समिति

इ.सा.स.–धरान

धन्यावाद ज्ञापन

सर्वप्रथम त यस संस्थालाई स्थापना गरेर एउटा स्थानमा पुर्याएर हामीलाई दोस्रो कार्यसमितिको रूपमा संस्थालाई  हस्तान्तरण गर्नुहुने त्यतीबेलाका सम्पूर्ण अग्रज दाई दिदीहरू, प्रथम कार्यसमितिका पदाधिकारीहरू तथा संस्थाका सदस्यहरूलाई सम्झन चाहन्छौ । हाम्रो यस दोस्रो कार्यसमितिको कार्यावधीभर हामीले संस्थाको स्तरोन्नतीको लागी र उद्देश्य प्राप्ती सक्दो क्रियाकलाप गतिविधिहरू गर्यौ । हामीलाई यस कार्यावधीभर विभिन्न सहयोग उपलब्ध गराउनुहुने सम्पुर्ण साहित्यप्रेमी मनहरू, शुभचिन्तकहरू, अभिभावकहरू, सल्लाहकारहरू, सहयोगी हातहरू, क्याम्पस प्रशासन, स्ववियु, यस संस्थाका सदस्यहरू, विभिन्न उपसमिति (अङ्कुरण प्रकाशन समिति, निर्वाचन समिति, प्रगति प्रतिवेदन निर्माण समिति लगायतका उपसमितिहरू) का पदाधिकारीहरू साथै दोस्रो कार्यसमिति पदाधिकारीहरू सबैलाई एकमुस्ट रूपमा धन्यावाद ज्ञापन गर्न चाहन्छौ । साथै नयाँ गठित संस्थाको तेस्रो कार्यसमितिका पदाधिकारी र अन्य उपसमितिहरू (पुस्तकालय संचालन समिति र भित्तेपत्रिका संचालन समिति) का सम्पूर्ण पदाधिकारीहरूलाई बधाई दिदै सफल कार्यकालको शुभकामना दिन चाहन्छौ ।

दोस्रो कार्यसमिति

इ.सा.स.–धरान

परिचय

दोस्रो कार्यसमिति

मिति २०७३ माघ २३ गते आइतबार बोलाइएको वार्षिक साधारण सभा स्वरूप बिशेष साधारण सभाबाट मिति २०७२ चैत्र २ गते हेरफेर भएको प्रथम कार्यसमितिको विघटन भइ दोस्रो कार्यसमितिको गठन भएको थियो । जुन कार्यसमितिको अध्यक्षमा पदम प्रसाद पौडेल, उपाध्यक्ष कमल ज्ञवाली, सचिवमा मिथुन कुवँर, सहसचिवमा सकुशल रेग्मी, कोषाध्यक्षमा अभिषेक बुढाथोकी, प्राविधिक प्रदिप दाहाल, बिशिष्ट सदस्यमा राजेश रिजाल, सुमित अर्याल, रन्जु पौडेल, अनुप पौडेल र आशुतोष पौडेल सर्वसम्मत रूपमा निर्वाचित हुनु भएको थियो । यस्तै सल्लाहकारमा सुरेश भण्डारी, दिलिप पाण्डे र साजन कोइराला हुनुहुन्थ्यो । उहाहरू १४ जना मिलेर यस इ.सा.स.-धरान लाइ १ वर्ष चलाउनुभयो । 

कार्य विवरण

बैठकहरू 

हामीहरू परिक्षाको एकहप्ता पहिलादेखी परिक्षा सकिने बेलासम्म र दशैतिहारको छुट्टीमा बाहेक अन्य समयमा निरन्तर र नियमित पाक्षिक रूपमा कार्यसमितिको बैठकहरू बसिरह्यौ । हामीहरू प्राय बिहानको समयमा क्याम्पसको चमेना गृह तथा मेकानिकल चौतारीमा बस्ने गर्छौ । बैठकमा विधानमा भने बमोजिम नै २ दिन अगाडी सम्पूर्ण पदाधिकारी सदस्यहरूलाई विद्धुतिय माध्यमबाट सुचना दिएर ५१ प्रतिशत भन्दा बढीको उपस्थिति भएपछि तोकिएको समय र स्थानमा बैठक बस्ने गर्दथ्यौ । बैठकमा आएका प्रस्तावहरू टिपेर, प्रत्येक प्रस्तावहरू माथि सुनियोजित ढंगले छलफल गरी निर्णयहरू निकालेर कामको बाडँफाडँ गरेर मात्र बैठक टुङ्गिने गर्दथ्यो । पक्ष विपक्षमा आएका मतहरू सबैलाई मध्यनजर गरेर आवश्यकता अनुसार कुनैकुनै कुराहरू बहुमतद्वारा पारित गरिन्थ्यो भने कुनै कुरामा अध्यक्षले निर्णायक मत दिनुपर्दथ्यौ । विपक्षीहरूको पनि विचारको कदर हुन्थ्यो । हरेकको विचार, प्रस्ताव तथा निर्णयहरू सम्पूर्णलाई माइनुटिङ गरेर सबै उपस्थितिको हस्ताक्षर सहित टिपोट गरेर राखेका छौ । 

हाम्रो छलफल तथा सुचनाको प्रवाहलाई छिटो छरितो बनाउनका लागी हामीले सामाजिक सञ्जाल फेसबुकमा एउटा च्याटिङ समूह र सेक्रेट समूह बनाइ सधै छलफल तथा सुचना जानकारीहरूको आदान प्रदान गर्दथ्यौ । प्रायजसो आपतकाफिन निर्णयहरू यही फेसबुक समूहमा छलफल गरेर सबैको सर्वसम्मत अनुसार पनि निकाल्ने गर्दथ्यौ । साथै अति आपतकालिन अवस्थामा अध्यक्ष जिम्मेवार हुने गरी अध्यक्षले नै निर्णय लिने गर्नुहुन्थ्यो । कुनै कुनै समयमा अध्यक्ष, सचिव, कोषाध्यक्ष र सम्भव भएका अन्य सदस्यहरू सम्मिलित आपतकालिन छलफल गरेर पनि निर्णयहरू लिइन्थ्यो भने सम्भव भएसम्म यस्ता कुराहरूमा बिशेष बैठक बोलाएर पनि निर्णयहरू हुन्थ्यो ।

बिधानले तोकेको आधिकारिक व्यक्तिले हाम्रो माइनुटिङ- हेर्न पढ्न चाहेमा त्यसलाई खुल्ला गरिएको छ ।

कार्यक्रमहरू

१. अनलाइनमा एक भव्य प्रेम पत्र प्रतियोगिता सम्पन्नः प्रेम पत्र प्रतियोगिता – २०७३

२. रचना वाचन श्रवण साथमा पुरस्कार वितरण र सम्मान कार्यक्रम 

३. गजल तथा मुक्तक प्रशिक्षण कार्यक्रम – २०७४

४. अङ्कुरण – वर्ष २०७४ को विमोचन कार्यक्रम

५. खुल्ला निबन्ध प्रतियोगिता २०७४

६. गजल साझँ – २०७४

७. वार्षिक साधारण सभा, रचना वाचन श्रवण, सम्मान तथा पुरस्कार वितरण साथमा खुल्ला कविता प्रतियोगिता २०७४

८. मासिक रचना वाचन श्रवण कार्यक्रम

१. अनलाइनमा एक भव्य प्रेम पत्र प्रतियोगीता सम्पन्नः प्रेम पत्र प्रतियोगिता–२०७३

मिति २०७३ फाल्गुन ३ गते प्रेम दिवसको अवसरमा खुल्ला मञ्चमा गर्ने भनिएको ‘प्रेमपत्र प्रतियोगिता–२०७३, साथमा रचना वाचन श्रवण र विविध सास्ँकृतिक कार्यक्रम’ गर्न स्व.वि.यु चुनाव आचार संहिताको पालना गर्दै असफल भएता पनि संस्थाले अनलाइन मै भएपनि भव्य रूपमा कार्यक्रम सम्पन्न गर्ने उद्देश्यले उक्त कार्यक्रममा सहभागी हुने १२ जना प्रतियोगीहरूको प्रेमपत्र वाचन भिडियो रेकर्डिङ गरी संस्थाको आधिकारिक युटिउभ च्यानलमा अपलोड तथा फेसबुक पेजमा प्रेम दिवसको दिन पोस्ट गरेर प्रतियोगीता संचालन गरेको थियो । मिति २०७३ फाल्गुन १० गतेसम्म उक्त प्रेमपत्र वाचनले पाठक, श्रोता र दर्शक माझ पाएको लोकप्रीयता साथै निर्णायक मण्डलको निर्णय अनुसार प्रेमपत्रहरुको मुल्याङ्कन गरिएको थियो। उक्त कार्यक्रमका निर्णायक मण्डलमा बरिष्ठ आख्यानकार ‘तुलसी नारायण चित्रकार’ (काठमाडौँ), इ.सा.स. सल्लाहकार तथा भू.पु. अध्यक्ष ‘सुरेस भण्डारी’, इ.सा.स सल्लाहकार तथा भू.पु. उपाध्यक्ष ‘दिलिप पाण्डे’ हुनुहुन्थ्यो । जसमध्ये निर्णायक मण्डलको तर्फबाट प्रथम, द्वितिय र तृतीय क्रमशः कृषि इन्जिनियरिङ ०७० ब्याचका ‘उत्तम प्रसाद लामिछाने’, कृषि इन्जिनियरिङ ०७१ ब्याचकी ‘एलिना रायमाझी’ र मेकानिकल इन्जिनियरिङ ०७१ ब्याचकी ‘सबिना बिमली’ हुन सफल हुनुभएको थियो । भने त्यस्तै गरी पाठक, श्रोता, दर्शक माझ पाएको लोकप्रीयताबाट इलेक्ट्रोनिक्स दोस्रो बर्षमा अध्ययनरत नानुमाया काफ्ले प्रथम हुन सफल हुनुभएको थियो। उक्त कार्यक्रमका लागी सुजन खनाल, कुशल बुढा, भगत पाण्डे, अनिल कँडेल, कुमार भण्डारी र अनेरास्ववियु पुर्वाञ्चल इन्जिनियरिङ क्याम्पस कमिटीले बिशेष सहयोग गनु भएको थियो।

२. रचना वाचन श्रवण तथा सम्मान कार्यक्रम’

मिति २०७३ फाल्गुन २३ गते सोमबार ‘प्रेम पत्र प्रतियोगिता’ कार्यक्रम र ‘प्रथम बर्षका विद्यार्थी एड गरौ अभियानका बिजेता प्रतियोगीहरुहरुलाई पुरस्कार वितरण, सहयोगी हातहरु सम्मान र साथमा रचना वाचन श्रवण कार्यक्रम सम्पन्न भएको थियो ।

३. गजल तथा मुक्तक प्रशिक्षण कार्यक्रम–२०७४

यही मिति २०७४ जेष्ठ २९ गते देखी ३१ गतेसम्म इ.सा.स.–धरानले ३ दिने ‘गजल तथा मुक्तक प्रशिक्षण कार्यक्रम–२०७४’ संचालन गरेको थियो । उक्त कार्यक्रममा मुख्य प्रशिक्षकको रुपमा बरिष्ठ बहर गजलकार ‘सुरेश सुवेदी’ र साथमा साहित्यकार ‘यात्री शेखर’ (गजल प्रतिष्ठान अध्यक्ष) र ‘विराट अनुपम’ (बरिष्ठ गजल/मुक्तककार) ले गजल तथा मुक्तकको संरचना, गैर बहर गजल मुक्तक, बहर/छन्द/लय/भाका,बहर गजल लेखन, गजलका विभिन्न वाचन शैलीहरु, छन्द/बहर उच्चारण, बाचन तथा प्रस्तुतीकरण आदीको बारेमा प्रशिक्षण दिनुभएको थियो । प्रोजेक्टरको माध्यमबाट अडियो भिडियो फोटो सहित प्रशिक्षण गराइएको उक्त प्रशिक्षणात्मक कार्यक्रममा दैनिक गजल/मुक्तक लेखन, वाचनको अभ्यास समेत गराइएको थियो । तीस जना प्रशिक्षणार्थीहरूको सहभागीता रहेको उक्त प्रशिक्षण कार्यक्रम निकै उत्साहजनक रूपमा सम्पन्न भएको थियो । प्रशिक्षित प्रशिक्षणार्थीहरुलाई प्रमाणपत्र समेत प्रदान गर्दै प्रशिक्षण कार्यक्रमका मुख्य प्रशिक्षक सुरेश सुवेदीले पूर्वमा पहिलो पटक यसरी प्रशिक्षण कार्यक्रम यस प्राविधिक क्याम्पसमा भएको भन्दै अझ हैसला समेत थपिदिनु भएको थियो ।

४. अङ्कुरण–बर्ष २०७४ प्रकाशन

मिति २०७४ श्रावण १८ गते करिब दुई महिनाको कडा परिश्रमबाट ‘अङ्कुरण–वर्ष २०७४’ प्रकाशन गर्न सफल भएका हौ । उक्त पुस्तकमा जसमा विभिन्न सर्जकहरूका साहित्यिक लेख रचनाहरु साथमा जीवन उपयोगी अति ज्ञानवद्धक र प्राविधिक कुराहरु प्रकाशित भएका छन् । 

अङ्कुरण – बर्ष २०७४ विमोचन समारोह कार्यक्रम 

मिति २०७४ श्रावण २३ गते सोमबार जनैपुर्णिमाको दिन 'इन्जिनियरिङ साहित्यिक समाज, पूर्वाञ्चल क्याम्पस – धरान' ले प्रकाशन गरेको बार्षिक पुस्तक अङ्कुरण – बर्ष २०७४ को विमोचन कार्यक्रम भव्यताका साथ सम्पन्न गरिएको थियो । कार्यक्रममा सुनसरी तथा मोरङ्गका विभिन्न बरिष्ठ साहित्यकारहरू, लेखक/सर्जकहरू, पाठकवर्गहरू, सहयोगी हातहरू, विज्ञापनदाताहरू, शुभचिन्तक/अभिभावकहरू, इन्जिनियरिङ बिद्यार्थीहरूको उल्लेख्य उपस्थिती रहेको थियो । डा. गोपाल भण्डारी प्रमुख अतिथ्यता र संस्थाका तत्कालिन अध्यक्ष पदम प्रसाद पौडेलको सभापतित्वमा उक्त कार्यक्रम सम्पन्न भएको थियो । 

लघु वक्तृत्व प्रतियोगिता

विमोचन समारोहकै अबसरमा आयोजित लघु वक्तृत्व प्रतियोगितामा विभिन्न ८ जना वक्ताहको सहभागीता थियो, उहाहरूले तोकिएको बिषयमा २ मिनेट सम्मको वक्तृत्व दिनु भएको थियो । जसको निर्णायकमा हुनुहुन्थ्यो, डा. गोपाल भण्डारी, राम चन्द्र मण्डल र पदम प्रसाद पौडेल हुनुहुन्थ्यो, जसमा प्रथम, द्वितीय, तृतीय र सानत्वना क्रमशः अनुप पौडेल, सुरेश भण्डारी, साजन कोइराला र कविता ओझा, पशुपति गरेरी हुनु भएको थियो ।  

५. खुल्ला निबन्ध लेखन प्रतियोगिता–२०७४

मिति २०७४ मङ्सिर २९ गते शुक्रबारको दिन इन्जिनियरिङ साहित्यिक समाज, पूर्वाञ्चल क्याम्पस धरानले आफ्नो दोस्रो स्थापना दिवसको अबसरमा आयोजना गरेको निबन्ध लेखन प्रतियोगिता भव्यताका साथ सम्पन्न गरेको थियो । जसमा सहभागि जनाउनु भएका १७ प्रतिस्पर्धीहरूले दिइएको समयमा तोकिएको स्थानमा उपस्थित भएर 'देश विकासका लागी इन्जिनियर" भन्ने बिषयमा निबन्ध लेख्नु भएको थियो । उहाहरूले उक्त निबन्ध निर्णायक मण्डल सामू पालैपालो प्रस्तुत गरेर प्रत्यक्ष अन्तक्रिया गर्दै सुझाव सल्लाह प्रतिक्रिया प्राप्त गर्नुभएको थियो । कार्यक्रममा निर्णायक मण्डलको भुमिका निर्वाह गर्नुभएको थियो, भाषाविद् प्रा. भवानीसङ्कर भट्टराइ, सिभिल विभागका लेक्चरर इ. काजिराम कार्की र इ.सा.स. धरानका अध्यक्ष पदम प्रसाद पौडेल ।  प्रतियोगितामा प्रथम, द्वितीय, तृतीय र सान्त्वना क्रमशः प्रकाश सुवेदी (सिभिल इ. ०७४), अनुपम सुवेदी (कृषि इ. ०७३), अच्युत शर्मा पौडेल (सिभिल इ. ०७३), पुजा काफ्ले (कृषि इ. ०७४) हुनुभयो । उहाहरूलाई पुरस्कार वितरण वार्षिक साधारण सभाको अबसरमा आयोजित खुल्ला कविता प्रतियोगिता –२०७४ कार्यक्रममा भएको थियो ।

इन्जिनियरिङ तथा औद्योगिक प्रदर्शनी २०७४ मा

नेपाल तराइ बिद्यार्थी नवजागरण संघ द्वारा मिति २०७४ पुस २६, २७ र २८ गते आयोजित इन्जिनियरिङ तथा औद्योगिक प्रदर्शनी २०७४ मा इन्जिनियरिङ साहित्यिक समाजद्वारा स्टल राखेर पुस्तक संकलन, पुस्तक प्रदर्शन, अङ्कुरण वितरण, लेखरचना प्रदर्शन, सदस्यता वितरण, साहित्यिक भलाकुसारी, साहित्यिक परामर्ष र गजल साझँ जस्ता क्रियाकलापहरू गरिएको थियो । उक्त प्रदर्शनीमा विभिन्न पुस्तक सहयोगी मनहरूले पुस्तकहरू सहयोग गरेर पुस्तक सङ्कलन अभियानलाई सहयोग पूर्याउनु भरएको थियो । सङ्कलित पुस्तकहरूको विवरण पुस्तक अभिलेखमा राखेका छौ । संकलित पुस्तकहरूलाई प्रदर्शन पनि गरिएको थियो भने इ.सा.स. द्वारा प्रकाशन भएको अङ्कुरण–वर्ष २०७४ लाई बिक्री वितरण तथा प्रदर्शन गरिएको थियो । विभिन्न सर्जकहरूका चर्चित लेखरचनाहरू, विश्वप्रशिद्ध भनाइहरू, साहित्य लेखन तरिका बनाबट संरचनाहरूलाई पेपरमा प्रीन्ट गरेर प्रदर्शन गरिएको थियो । उक्त प्रदर्शनीमा स्टल राखेर साधारण सदस्यता वितरण पनि गरिएको थियो । साथै विभिन्न साहित्यमा इच्छुक साहित्यिक मनहरूसगँ साहित्यिक भलाकुसारी गर्ने तथा साहित्यिक परामर्श दिने काम समेत गरेका थियौ । प्रदर्शनीको दोस्रो दिन गजल साझँ पनि प्रस्तुत गरेका थियौ।  

६. गजल साझ २०७४

२०७४ पौष २७ गते बिहिबार (प्रदर्शनीको दोस्रो दिन) पूर्वाञ्चल क्याम्पस, धरानको प्राङ्गणमा खुल्ला मञ्चबाट १५ जना गजलकारहरूले आफ्ना गजलहरूको प्रस्तुती दिनु भएको थियो ।

७. वार्षिक साधारण सभा र विविध कार्यक्रमहरू

मिति २०७४ माघ ७ गते इन्जिनियरिङ साहित्यिक समाज (इ.सा.स,धरान) ले आफ्नो दोस्रो वार्षिक साधरण सभाको अवसरमा नयाँ कार्यसमितिको गठन, खुल्ला कविता प्रतियोगिता, इ.सा.स. पुस्तकालयको उदघाटन, संस्था दर्ताको घोषणा, सम्मान कार्यक्रम (पदाधिकारी र सहयोगी हरुलाइ), पुरस्कार बितरण (निबन्ध लेखन प्रतियोगिता र कबिता प्रतियोगिता), रचना बाचन श्रवन र पूर्वान्चल डान्स क्लब (PDC) को प्रस्तुतीहरु प्रस्तुत गरेको थियो । दोस्रो कार्यसमितिको बैठकबाट पारीत भएर २०७४ माघ ७ गते दोस्रो वार्षिक साधारण सभा र विविध कार्यक्रमहरू आयोजना गर्ने निर्णय गर्यौ । सोही बैठकबाट ३ सदस्यीय इ.सा.स. निर्वाचन समिति गठन समेत गरियो जुन समितिमा निर्वाचन संयोजकको रूपमा इ.सा.स. दोस्रो कार्यसमितिका सल्लाहकार दिलिप पाण्डे र निर्वाचन समिति सदस्यको रूपमा इ.सा.स. दोस्रो कार्यसमितिका सल्लाहकार साजन कोइराला र अङ्कुरण प्रकाशन समितिका सक्रिय सदस्य तथा शुभचिन्तक अर्जुन खड्का हुनुहुन्थ्यो । उहाहरूले विधान अनुरूप एक हप्ता पहिले नै निर्वाचन निर्देशिका र निर्वाचन कार्यतालिका प्रकाशन गरेर सोही अनुसार नै निर्वाचन सम्पन्न गरेर संस्थाको तेस्रो कार्यसमिति लगायत विभिन्न उपसमिति पुस्तकालय संचलान समिति र भित्तेपत्रिका संचालन समिति गठन गर्नु भएको थियो । साधरण सभाको सर्बसहमत बाट गठीत तेस्रो कार्यसमितिको अध्यक्षमा मिथुन कुवँर, उपाध्यक्षमा सुमित अर्याल, सचिवमा अभिषेक बुढाथोकी, सह-सचिवमा सुदिप बिष्ट, कोषध्यक्षमा सकुसल रेग्मी र सदस्यहरुमा अनुप पौडेल, आशुतोष पौडेल, प्रतिभा गौतम, समर कुवँर, आदर्श खतिवाडा र डिल्ली आचार्य हुनुहुन्छ ।

साथै उपसमितिहरु अन्तर्गत पुस्तकालय संचालन समितीमा संचालक प्रमुख अनुप पौडेल र सदस्यहरु रोहित सेन्चुरी र समर कुवर यस्तै गरी भित्तेपात्रो संचालन समितिमा संचालक प्रमुख आशुतोष पौडेल र सदस्यहरु गौतम सिंह भन्डारी र पसुपती गरेरी चुनिनु भएको छ ।

साधारण सभा माघ ७ गते बिहान सम्पन्न भएको थियो सोही सभाबाट वार्षिक कार्य प्रतिवेदन तथा आर्थिक विवरण पारित गरिएको थियो । साथै विगतका कार्यक्रियाकलापहरूको समिक्षा र भावि रणनीति तथा योजानाहरू पारित पनि गरियो । भने सोही दिन दिउँसो ११ बजेबाट क्याम्पसको वर पिपल चौतारीमा आयोजित खुल्ला कविता प्रतियोगिता–२०७४ र विविध कार्यक्रममा प्रा. डा. टंक प्रसाद न्यौपाने को प्रमुख आतिथ्यता थियो । उक्त कार्यक्रममा झापा, मोरङ, धनकुटा सुनसरी का विभिन्न बरिष्ठ साहित्यकारहरू, शिक्षकहरू, विभिन्न संस्थाहरूका प्रतिनिधिहरूको अतिथ्यता थियो भने सयौ साहित्य प्रेमी मनहरू, विद्यार्थीहरूको उपस्थिति साथै झापा, मोरङ, धनकुटा र सुनसरीका १५ जना प्रतियोगी कवि कवयित्रीहरूको सहभागीता समेत थियो । 

खुल्ला कविता प्रतियोगितमा १५ जना खूल्ला प्रतियोगी मध्येबाट प्रथम, द्वितीय र तृतीय क्रमशः अच्युत आचार्य (महेन्द्र क्याम्पस, धरान), सुदिप बिष्ट(सिभिल इन्जिनियरिङ ०७४ ब्याच,ERC) र प्रतिभा गौतम (सिभिल इन्जिनियरिङ ०७३ ब्याच ,ERC) हुनुभएको थियो । जसको निर्णायक मण्डलमा बरिष्ठ कवि बद्री भिखारी, प्रा. भवानी सङ्कर भट्टराइ र कवि सुदिप पाख्रिन हुनुहुन्थ्यो ।

उक्त कार्यक्रममा प्रमुख अतिथिहरू र बिशेष अतिथीहरूबाट इ.सा.स.को पुस्तकालयमा अङ्कुरण पुस्तक राखेर इ.सा.स. पुस्तकालय को उदघाटन गरेका थियौ ।

साथै संस्थालाई जिल्ला प्रशासन कार्यालय सुनसरीमा मिति २०७४ माघ ३ गते दर्ता गर्न सफल भएका थियौ । सो को औपचारिक घोषणा पनि सोही समारोहबाटै गरिएको थियो । 

पुरानो कमिटीको विघटन, नयाँ कमिटीको गठनको घोषणा तथा सपथ ग्रहण नयाँ पदाधिकारीहरूलाई स्वागत र पुराना पदाधिकारीहरूलाई सम्मान पनि यही कार्यक्रमबाटै गरिएको थियो ।

यस्तै पदाधीकारी सम्मान कार्यक्रम अन्तर्गत प्रथम वर्षमा अध्ययनरत पदाधिकारी मध्येमा अति सक्रिय सहयोग पुर्याएकोमा अभिषेक बुढाथोकीलाई अझ हौसला बढाउनका लागी सम्मान स्वरूप एउटा इ.सा.स. को टिसर्ट दिएका थियौ ।

उक्त कार्यक्रममा खुल्ला निबन्ध प्रतियोगीता र खुल्ला कविता प्रतियोगिताका बिजेता प्रतियोगीहरूलाई पुरस्कृत साथै सहयोगी हातहरूलाई सम्मान समेत गरेका थियौ ।

कार्यक्रमलाई सभ्य भव्य रूपमा सफल पार्नका लागी नेपाल विद्यार्थी संघ (स्वयमसेवकहरू उपलब्ध गराएर साथै आर्थिक सहयोग गरेर), स्वतन्त्र विद्यार्थी युनियन (चियाको प्रायोजन, प्रीन्टिङ तथा अन्य सहयोगहरू), सरोज अधिकारी, हसरथ अलि, उद्धव श्रेष्ठ, अलङ्कार काफ्ले सर लगायत अन्य विभिन्न व्यक्ति, संघसंथाहरूको बिशेष सहयोग रहेको थियो ।  

८. मासिक रचना वाचन श्रवण कार्यक्रम

प्रत्येक महिनाको अन्तिम शुक्रबार हामीले रचना वाचन श्रपण कार्यक्रम गर्ने गर्छौ । कुनै कारणवश मिति समय र स्थान हेरफेर गर्नुपरे विद्धुतिय माध्यमबाट जानकारी प्रवाह गर्दछौ ।

संस्था दर्ता, स्थायी लेखा नम्बर दर्ता, बैङ्क खाता संचालन, वेव डोमेन दर्ता

अति झन्झट प्रक्रियाका वापजुत पनि हामीले संस्थाको बैङ्क खाता आवश्यकता परेका कारणले जिल्ला प्रशासन कार्यालयमा मिति २०७४ माघ ३ गते संस्था दर्ता नम्बर २७१९ मा दर्ता गर्न सफल भएका छौ र यसको औपचारिक घोषणा वार्षिक साधारण सभाबाट गरेका छौ । साथै संस्थाको आन्तरिक राजस्व कार्यालय धरानबाट मिति २०७४ माघ ९ गते स्थायी लेखा नम्बर ६०७४११४८३ दर्ता गरेका छौ ।

यस्तै गरी संस्थाको बैङ्क खाता संचालनका लागी सानिमा बैङ्क धरान शाखामा बैङ्क खातमा नम्बर 0350000030401 खातावाल इन्जिनियरिङ साहित्यिक समाज नाममा यही मिति २०७४ माघ १९ गते देखी संचालन गरेका छौ । संस्थाको आधिकारिक वेवसाइट बनाएर संस्थालाई अनलाईनमा समेत सक्रिय बनाउनका लागी मर्कानटाइल कम्युनिकेसन प्रा.ली. मा esas.org.np नामक डोमेन दर्ता गरेर वेवसाइट संचलनमा ल्याएका छौ ।

अभियानहरू

१. प्रथम वर्षका विद्यार्थीहरूलाई जोडौ,

२. आफ्नो रचना समूहमा पोस्ट गरौ र महिनाको उत्कृष्ट रचनाको रूपमा छनोट हुनुहोस्,

३. १५ जना साहित्यिक मनहरूले पालौपालो १५, १५ दिनमा रचना पोस्ट गरौ 

४. प्रथम वर्षका विद्यार्थी भेटघाट कार्यक्रम २०७४

५. पुस्तक संकलन अभियान–२०७४

अन्य कार्यक्रमहरूमा उपस्थिति, सहभागिता

१. नयाँ शक्ति विद्यार्थी युनियन, पूर्वाञ्चल क्याम्पस धरान द्वारा आयोजना गरेको खुल्ला कविता प्रतियोगिता २०७३

२. नेपाल कृषि इन्जिनियरिङ बिद्यार्थी समाज नेस द्वारा आयोजित एग्रिनियर पत्रिका लोकार्पण कार्यक्रम २०७३

३. साङ्गितिक समूह, पूर्वाञ्चल क्याम्पस, धरानको साधारण सभा २०७४

४. बाणगंगा साहित्यिक प्रतिष्ठानद्वारा लक्ष्मी जयन्तिको अवसरमा आयोजित बार्षिक साधारण सभा २०७४ साथमा रचना वाचन कार्यक्रम,

५. दधि स्मृति साहित्य समाज द्वारा आयोजित काव्य सन्ध्या, राष्ट्रिय कवि गोष्ठी साथमा बार्षिक साधारण सभा कार्यक्रम

६. कवि शिरोमणी साहित्य साधना समाज द्वारा लेखनाथ जयन्तीको अवसरमा आयोजित खुल्ला कविता प्रतियोगिता २०७४

८. २०७३ ब्याचका विद्यार्थीहरूद्वारा आयोजित स्वागत कार्यक्रम २०७४

९. पाख्रिबास कला साहित्य समाज द्वारा आयोजित पाख्रिबास लिटरेचर फेस्टिबल २०७४

११. इन्जिनियरिङ तथा औद्योगिक प्रदर्शनी–२०७४ मा सहभागीता (उद्घाटन समारोह र समापन समारोह मा आतिथ्यता, गजल साझँ, स्टल राखेर विभिन्न साहित्यिक प्रदर्शन)

मुख्य उपलब्धी तथा मुख्य कामहरू

१. अङ्कुरण प्रकाशन, विमोचन, वितरण

२. संस्था दर्ता, स्थायी लेखा नम्बर दर्ता, वेवसाइटका लागी डोमेन दर्ता

३. संस्थाको बैङ्क खाता संचालन

४. पुस्तकालय स्थापना

५. भित्तेपत्रिका संचालन प्रस्तावना

६. संस्थाको वेवसाइट संचालन

असफल योजनाहरू

योजना निर्माण गरेर आटेका कामहरू प्राय सबै गर्न सफल भयौ तर केही कार्यक्रमहरू भने जस्तै प्रथम कार्यकाम खुल्ला प्रेमपत्र प्रतियोगिता २०७३ मा हामीले पूर्व योजना अनुसार गर्ने भनेको खुल्लामञ्चमा गर्न असफल भयौ तर उक्त कार्यक्रमको लागी आपतकालिन बैठक बसेर उक्त कार्यक्रमलाई संस्थाको आधिकारिक युटिउभ च्यानलमा संचालन गर्नु परेको थियो ।

भित्तेपत्रिका र पुस्तकालय स्थापना तथा संचालन गर्नमा क्याम्पस प्रशासनमा आश्रित हुनुपरेकोमा यसलाई पनि योजना अनुसार गर्न असफल भयौ ।

कमजोरी पक्षहरू

यस दोस्रो कार्यसमितिको मुख्य कमजोरीको पक्ष भनेको सदस्यता व्यवस्थिकरण गर्न नसक्नु देखेका छौ । यसको मुख्य कारण भनेको ढिला संस्था पुनर्गठन भएको र पहिलो कार्यसमितिको मुख्य कार्य अन्तर्गत रहेको सदस्यता वृद्धि अभियानलाई संचालन नगरेको हुनाले नै यस्तो कमजोरी भएको औलाएका छौ ।

यस्तै गरेर क्याम्पस प्रशासन सगँ राम्रो समन्यवकारी भुमिका खेल्न नसकेको हुनाले विभिन्न कुरामा प्रशासनबाट राम्रो साथ सहयोगहरू पाउन नसक्नु पनि एउटा अर्को कमजोरी पक्ष हो ।

क्याम्पसमा रहेको साहित्यिक माहोललाई उजागरण गर्ने कार्य निरन्तर भइरहेता पनि अझै पनि विभिन्न व्यक्तिहरूको साहित्य समाज प्रतिको धारणा परिवर्तन गर्न नसक्नु पनि एउटा कमजोरी पक्ष नै हो ।

त्चस्तै केही बिद्यार्थी राजनीतिक संगठनहरूसगँ राम्रो सुमधुर सम्बन्ध स्थापना गर्न नसक्नाले विभिन्न कुराहरूमा साथसहयोगबाट बञ्चित हुनुपर्ने पर्ने कमजोरी पक्ष नै हो ।

योजनाहरू तथा बजेटहरू

यस कार्यसमितिले संस्थाको कार्यालय स्थापना गर्ने योजना बनाएको थियो तर पुरा गर्न सकेन त्यसैले क्याम्पस प्रसाशनसगँ कुरा गरेर एउटा कार्यालय स्थापना गर्ने योजना नयाँ कार्यसमितिलाइ हस्तान्तरण गर्दछौ ।

साथै ३ दिने एउटा साहित्यिक प्रदर्शनी आयोजना गर्ने योजना पनि राखिएको थियो । तर यसबारे विस्तृत छलफल र परामर्शबाट योजना बनाउन बाकी नै छ ।

समिक्षा 

विद्यार्थी जीवनमा आफ्नो पढाइको साथसाथमा कम स्रोत साधनको परिचालनमा विभिन्न क्रियाकलाप गर्न सक्नु यस कार्यसमितिको राम्रो पक्ष हो । र ती कमिकमजोरी सामान्य हुन भनेर समिक्षा गरेका छौ ।

तेस्रो लगायत भावी कार्यसमितिहरूलाई दोस्रो कार्यसमिति द्वारा दिइएका सल्लाह, सुझाव तथा जिम्मेवारीताहरू

• हरेक असार मसान्त भित्र लेखा परिक्षण गराउनुहोला ।

• आन्तरिक राजस्व कार्यालय धरानमा समयमै कर चुक्ता गर्नुहोला ।

• श्रावण, असोज भित्र जिल्ला प्रशासन कार्यालय सुनसरीमा संस्थालाइ नविकरण गर्नुहोला ।

• दोस्रो कार्यसमितिले हस्तान्तरण गरेका चिजहरू सुनियोजित ढंगबाट सदुपयोग गर्नुहोला ।

• संस्थाको बैंक खाता, संस्थाको वेवसाइट, इमेल, संस्थाको फेसबुक पेज, समूह, टुइटर, युटिउभ लाई नियमित निरन्तर रूपमा संचलान गर्नुहोला ।

• इसासको पुस्तकालय, इसास भित्तेपत्रिकाहरू नियमित निरन्तर संचालन गर्नुहोला ।

• संस्थाको अभिलेखहरू सहयोगीहरूको नाम, सहयोग, सदस्यता लगायतका अन्य कागजपत्रहरूलाई सुरक्षीत राख्नुहोला ।

• अङ्कुरण वार्षिक प्रकाशन को निरन्तरता दिनुहोला ।

• संस्थाले आफ्नो उद्देश्य प्राप्तिका लागी गर्नुपर्ने कार्यक्रियाकलापहरू, कार्यक्रमहरू, अभियानहरू निरन्तर नियमित आयोजना  तथा संचालन गर्नुहोला ।

  
  

हस्तान्तरण गरिएका कुराहरू

२ ओटा लेटरप्याडका ठेली

५ वटा रसिद ठेली

१ छाप

इ.सा.स. पुस्तकलय र पुस्तकहरू

५० प्रति अङ्कुरण

९० प्रति प्रमाणपत्र

५२ प्रति सम्मानपत्र

१ संस्था दर्ताको प्रमाणपत्र

२ प्रति विधान

१ PAN दर्ता प्रमाणपत्र

१ बैङ्क खाता

१ माइनुट 

केही चिठीपत्र, प्रस्तावना पत्रहरू

१ वेवसाइट

फेसबुक पेज समूह, टुइटर, जिमेल, युटिउभ, वर्डप्रेस

संकलित पुस्तकहरूको विवरण

सदस्यता विवरण

आर्थिक विवरण

हस्ताक्षर

प्रगति प्रतिवेदन निर्माण समिति

पदम प्रसाद पौडेल (अध्यक्ष, अङ्कुरण प्रकाशन समिति संयोजक)

मिथुन कुवँर (सचिव)

अभिषेक बुढाथोकी (कोषाध्यक्ष)

दिलिप पाण्डे (अङ्कुरण प्रकाशन समितिको बजार संयोजक)

इ.सा.स. दोस्रो कार्यसमिति

अध्यक्ष पदम प्रसाद पौडेल

उपाध्यक्ष कमल ज्ञवाली

सचिव मिथुन कुवँर

सहसचिव सकुशल रेग्मी

कोषाध्यक्ष अभिषेक बुढाथोकी

प्राविधिक प्रदिप दाहाल

सदस्यहरू

अनुप पौडेल

रन्जु पौडेल

राजेश रिजाल

आशुतोष पौडेल

सुमिति अर्याल